ಕೇರಳ ದುರಂತ ; ಕಾಂಗ್ರೆಸ್ ಕುಟುಂಬ 100 ಮನೆ ನಿರ್ಮಿಸಲಿದೆ : ರಾಹುಲ್ ಗಾಂಧಿ.

ವಯನಾಡು : ಕಾಂಗ್ರೆಸ್ ಪಕ್ಷದಿಂದಲೇ ಕೇರಳದ ವಯನಾಡಿನಲ್ಲಿ 100ಕ್ಕೂ ಹೆಚ್ಚು ಮನೆಗಳನ್ನು ನಿರ್ಮಿಸಿಕೊಡಲಾಗುವುದು ಎಂದು ಲೋಕಸಭೆಯ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ಆಶ್ವಾಸನೆ ನೀಡಿದ್ದಾರೆ.

ದುರಂತ ಸ್ಥಳದಲ್ಲೇ ನಿನ್ನೆಯಿಂದಲೂ ಇದ್ದೇನೆ.‌ ಇದು ಯಾರೂ ಕಂಡರಿಯದ ರಣ ಭೀಕರ ದುರಂತ. ಈ ಸಂಬಂಧ ಆಡಳಿತ ಹಾಗೂ ಸ್ಥಳೀಯ ಸಂಸ್ಥೆಗಳ ಜೊತೆ ಸಭೆ ನಡೆಸಿದ್ದೇವೆ. ಇಲ್ಲಿನ ಸಾವು- ನೋವಿನ ಮಾಹಿತಿ ಪಡೆದಿದ್ದೇನೆ. ಮನೆಗಳ ಹಾನಿಯ ಬಗ್ಗೆಯೂ ಮಾಹಿತಿ ಸಂಗ್ರಹಿಸಿದ್ದೇನೆ. ಅಲ್ಲದೆ, ಕೈಲಾದ ಸಹಾಯ ಮಾಡಲು ಇಲ್ಲೇ ಇದ್ದೇನೆ ಅಂತಾ ವಿವರಿಸಿದರು.

ಇಡೀ ಕಾಂಗ್ರೆಸ್ ಕುಟುಂಬ 100ಕ್ಕೂ ಹೆಚ್ಚು ಮನೆಗಳನ್ನು ನಿರ್ಮಿಸಲು ಕಟಿಬದ್ದವಾಗಿದೆ. ಈ ಪರಿಯ ದುರಂತವನ್ನು ಕೇರಳ ಎಂದೂ ಕಂಡಿಲ್ಲ. ಇದೀಗ ನಡೆದು ಹೋಗಿದೆ. ನಾನು ದೆಹಲಿ ಹಾಗೂ ಕೇರಳದ ಸಿಎಂ ಜೊತೆ ಪ್ರಸ್ತಾಪಿಸುತ್ತೇನೆ. ಇದೊಂದು ವಿಭಿನ್ನ ದುರಂತ ಆಗಿದ್ದು, ವಿಭಿನ್ನ ಪರಿಹಾರ ಕಾರ್ಯಗಳನ್ನ ಮಾಡಲು ಪರಿಗಣಿಸಬೇಕು ಎಂದು ಮನವಿ ಮಾಡ್ತೇನೆ ಎಂದರು.